2018 yil "14" 02

Toshkent sh.

№94

Ўзбекистон Республикаси Президенти Ш.М.Мирзиёев ҳузурида 2017 йил 12 декабрда ўтказилган Соғлиқни сақлаш соҳасида ислоҳотларни чуқурлаштириш юзасидан амалга оширилаётган ишлар аҳволи ва истиқболдаги вазифалар тўғрисидаги видеоселектор мажлиси баёни ҳақида

Ўзбекистон Республикаси Президенти Ш.М.Мирзиёев ҳузурида 2017 йил 12 декабрда ўтказилган Соғлиқни сақлаш соҳасида ислоҳотларни чуқурлаштириш юзасидан амалга оширилаётган ишлар аҳволи ва истиқболдаги вазифалар тўғрисидаги видеоселектор мажлиси 7-бандида белгиланган топшириқларнинг ижросини таъминлаш мақсадида буюраман:

1. Қорақалпоғистон Республикаси Соғлиқни сақлаш вазирлиги ва барча вилоятлар соғлиқни сақлаш бошқармалари тасарруфидаги олис ҳудудларда жойлашган умумий амалиёт шифокорлари билан таъминланиш муаммоси бўлган қишлоқ врачлик пунктлари, қишлоқ оилавий поликлиникалари ва оилавий поликлиникаларнинг рўйхати иловага мувофиқ тасдиқлансин.

2. Тасдиқланган рўйхатда белгиланган қишлоқ врачлик пунктлари ва қишлоқ оилавий поликлиникалари ҳамда оилавий поликлиникаларга ишга борадиган умумий амалиёт шифокорларининг тор доирадаги мутахассислик бўйича клиник ординатурага ўқишга қабул қилинишларида синов натижаларига қўшимча 30 балл имтиёз қўлланиши белгилаб қўйилсин.

3. Тиббиёт олий таълим муассасалари ректорлари, филиаллари директорлари, Республика ихтисослаштирилган илмий-амалий тиббиёт марказлари, илмий текшириш институтлари директорлари:

6-курс бакалавриат 5510100-Даволаш иши, 5111000-Касбий таълим (даволаш иши), 5510200-Педиатрия иши таълим йўналишларининг битирувчи талабаларини даволаш-профилактика муассасаларига умумий амалиёт шифокори, 5-курс бакалавриат 5510300-Тиббий профилактика иши таълим йуналиши бўйича битирувчи талабаларни давлат санитария-эпидемиологик назорат марказларига гигиенист-эпидемиолог шифокори, магистратура мутахассисликлари бўйича битирувчи талабаларни даволаш-профилактика муассасаларига тор доирадаги мутахассислар сифатида ишга жойлаштиришда уларнинг доимий рўйхатдан ўтган турар-жой ҳудудларига мослигига қатъий риоя қилган ҳолда қонун ҳужжатларида белгиланган тартибда дастлабки манзилли шартномалар тузсин ва ишга тақсимласин;

бакалавриатуранинг 5510100-Даволаш иши, 5111000-Касбий таълим (даволаш иши), 5510200-Педиатрия иши таълим йўналишларининг 7-курс ва 5510300-Тиббий профилактика иши таълим йуналишининг 6-курс ҳамда клиник ординатуранинг 2-курс битирувчилари ишга жойлашишининг ҳафталик мониторингини юритсин;

4. Қорақалпоғистон Республикаси Соғлиқни сақлаш вазирлиги, Тошкент шаҳар ва вилоятлар соғлиқни сақлаш бошқармалари бошлиқлари:

бир ой муддатда тор доирадаги мутахассисларга бўлган эҳтиёжни ўрганиш асосида туманлар кесимида мақсадли клиник ординатурада ўқиш истагини билдирган шифокорларнинг;

икки ҳафта муддатда қишлоқ оилавий поликлиникаларидаги етишмаётган тор доирадаги мутахассислар (педиатр, хирург, стоматолог, терапевт, акушер-гинеколог ва ультратовуш диагностикаси шифокори) га бўлган эҳтиёж асосида 3-5 ойлик қайта тайёрлаш курсларида ўқиш истагини билдирган шифокорларнинг рўйхатини шакллантирсин.

5. Тошкент врачлар малакасини ошириш институти, Самарқанд ва Андижон давлат тиббиёт институтлари ректорлари:

бир ой муддатда Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари томонидан қишлоқ оилавий поликлиникаларидаги етишмаётган тор доирадаги мутахассисларни (педиатр, хирург, стоматолог, терапевт, акушер-гинеколог ва ультратовуш диагностикаси шифокори) тайёрлаш мақсадида ўқиш истагини билдирган шифокорларнинг рўйхати асосида қисқа муддатли қайта тайёрлаш жадвалини ишлаб чиқсин ва тасдиқласин;

икки ҳафта муддатда барча малака ошириш кафедраларида ўз йўналиши бўйича сайёр ўқитиш циклларни ўтказиш жадвалини тузсин ва тасдиқласин;

тиббиёт ходимларининг малакасини ошириш ва қайта тайёрлаш ўқув жараёнида замонавий таълим технологияларидан, шу жумладан, масофавий таълим, семинар, вебинарлар ва мультимедиа ускуналари ва телемедицинадан кенг фойдаланилишини жорий этсин.

6. Республика ихтисослаштирилган илмий-амалий тиббиёт марказлари, илмий-текшириш институтлари директорларига:

тегишли йўналишлар бўйича бўлимларнинг кадрлар потенциали ва моддий-техник базасини ҳисобга олган ҳолда клиник ординатура ва қайта тайёрлаш курсларида тор доирадаги мутахассисларни қўшимча тайёрлаш;

йўналишлар бўйича мавзули малака оширувчилар рўйхатини шакллантириш, малака ошириш, мастер-класслар, семинар, вебинар, сайёр цикллар ўтказиш жадвалини тузиш ва тасдиқлаш топширилсин.

7. Мазкур буйруқнинг ижросини назорат қилишни вазирнинг биринчи ўринбосари Б. Юсупалиев зиммасига юклатилсин.

Вазир

А. Шадманов

Соғлиқни сақлаш вазирининг

2017 йил “14” 02 даги

94-сонли буйруғига илова

Қорақалпоғистон Республикаси Соғлиқни сақлаш вазирлиги ва барча вилоятлар соғлиқни сақлаш бошқармалари тасарруфидаги олис ҳудудларда жойлашган умумий амалиёт шифокорлари билан таъминланиш муаммоси бўлган қишлоқ врачлик пунктлари, қишлоқ оилавий поликлиникалари ва оилавий поликлиникаларнинг рўйхати