Вазирлик ҳақида Ҳужжатлар Муассасалар Янгиликлар Тадбирлар Лойиҳалар АКТ Оnline хизматлар

Буйруқ №1. Ўзбекистон Республикаси Соғлиқни сақаш вазирлигининг 2012 йил 5 январ 1-сонли буйруғига ўзгартириш ва қўшимчалар киритиш тўғрисида Бош сахифа

05 января 2013

Буйруқ №1. Ўзбекистон Республикаси Соғлиқни сақаш вазирлигининг 2012 йил 5 январ 1-сонли буйруғига ўзгартириш ва қўшимчалар киритиш тўғрисида

О'ZBEKISTON RESPUBLIKASI SOG'LIQNI SAQLASH VAZIRLIGI

BUYRUQ

2013 йил 5 январ  1

Тошкент ш.

Ўзбекистон Республикаси Соғлиқни сақаш

вазирлигининг 2012 йил 5 январ 1-сонли

буйруғига ўзгартириш ва қўшимчалар

киритиш тўғрисида

Ўзбекистон Республикаси Президентининг 2009 йил 13 апрел кунидаги “Она ва бола саломатлигини муҳофаза қилиш, соғлом авлодни шакллантиришга доир қўшимча чора-тадбирлари тўғрисида”ги ПҚ 1096-сонли ва 2009 йил 1 июл кунидаги “2009-2013 йилларда аҳолининг репродуктив саломатлигини мустаҳкамлаш, соғлом бола туғилиши, жисмоний ва маънавий баркамол авлодни вояга етказиш борасидаги ишларни янада кучайтириш ва самарадорлигини ошириш чора-тадбирлари Дастури тўғрисида”ги ПҚ 1144-сонли қарорлари ижроси юзасидан амалга оширилаётган ишлар кўламини ошириш ва Соғлиқни сақлаш вазирлигининг бу борадаги 2012 йил 5 январдаги 1-сонли буйруғига тегишли ўзгартириш ва қўшимчалар киритиш мақсадида

БУЮРАМАН

1. Ўзбекистон Республикаси Соғлиқни сақлаш вазирлигининг 2012 йил 5 январдаги 1-сонли буйруғи билан тасдиқланган 1-8 иловалари бекор қилинсин.

2. Аҳоли репродуктив саломатлигини мустаҳкамлаш ва соғлом оилани шакллантириш Марказий штаби янги тузилмаси ва таркиби 1-иловага;

- аҳоли репродуктив саломатлигини мустаҳкамлаш ва соғлом оилани шакллантириш Марказий ва регионал штаблари ишчи гуруҳлари таркиби 2- ва 3-иловаларга;

- Ўзбекистон Республикаси Президентининг 2009 йил 13 апрел кунидаги ПҚ1096-сонли қарори ижросини таъминлаш бўйича ҳудудий соғлиқни сақлаш бошқармаларига бириктирилган Соғлиқни сақлаш вазирлигининг доимий ҳаракатдаги ишчи гуруҳи таркиби 4-иловага;

- аҳолига, жумладан туғиш ёшидаги аёллар, ўсмир қизлар ва болаларни соғломлаштириш бўйича амалий-услубий ёрдам кўрсатиш ва намунали ҚВП яратиш мақсадида ҳудудларга бириктирилган тиббиёт олий ўқув юртлари, Тошкент врачлар малакасини ошириш интститути, Республика ихтисослаштирилган илмий-амалий тиббиёт марказлари профессор-ўқитувчилари ва мутахассислари рўйхати 5-иловага;

- намунали қишлоқ врачлик пунктларини барпо қилишни давом эттириш бўйича бириктирилган тиббиёт олий ўқув юртлари, Тошкент врачлар малакасини ошириш институти ва Республика ихтисослаштирилган илмий-амалий тиббиёт марказлар рўйхати 6-иловага;

- туғруққа ёрдам тизими фаолиятига доир ойлик тезкор (1-10б жадвал) ва йиллик (11-16 жадвал) маълумотлар ҳисоботи 7-иловага;

- фертил ёшдаги аёллар, болалар ва ўсмир-қизларни соғломлаштириш ҳафталигини ўтказиш тадбири 8-иловага мувофиқ тасдиқлансин.

2. Вазирлик тизимидаги тиббиёт олий ўқув юртлари ректорлари, Республика ихтисослаштирилган илмий-амалий тиббиёт марказлари директорларига;

- тиббиёт олий ўқув юртлари ва марказларнинг профессор-ўқитувчилари ва мутахассисларни бириктирилган ҳудудларга иловада тасдиқланган жадвалга асосан, амалий ёрдам кўрсатишга юборилишини ва жойларда самарали фаолият юритишини ҳамда улар томонидан марказий штабга бериладиган ҳисоботларнинг ҳаққонийлигини таъминлаш юклатилсин.

- Намунали қишлоқ врачлик пунктларини барпо қилиш бўйича ишлар давом эттирилсин ва амалга оширилган ишлар ҳисоботи Соғлиқни сақлаш вазирлигининг ДПЁТББга ҳар ойнинг 25-санасига қадар топширилиши таъминлансин.

3. Қорақалпоғистон Республикаси Cоғлиқни сақлаш вазири, Тошкент шаҳар ва вилоят ССБ бошлиқларига;

- Ўзбекистон Республикаси Президентининг 2009 йил 13 апрел кунидаги “Она ва бола саломатлигини муҳофаза қилиш, соғлом авлодни шакллантиришга доир қўшимча чора-тадбирлари тўғрисида”гиПҚ 1096-сонли ва 2009 йил 1 июл кунидаги “2009-2013 йилларда аҳолининг репродуктив саломатлигини мустаҳкамлаш, соғлом бола туғилиши, жисмоний ва маънавий баркамол авлодни вояга етказиш борасидаги ишларни янада кучайтириш ва самарадорлигини ошириш чора-тадбирлари Дастури тўғрисида”ги ПҚ 1144-сонли қарорлари ижроси юзасидан амалга оширилаётган ишлар кўлами кенгайтирилсин.

- “Обод турмуш” йилида она ва бола саломатлигини муҳофаза қилиш, репродуктив саломатликни мустаҳкамлаш ва соғлом оилани шакллантириш борасида ташвиқот ва тарғибот ишлари оммавий ахборот воситалари орқали мунтазам равишда олиб борилсин.

- Вилоят перинатал марказлари ва туғруқ комплексларида фаолият кўрсатаётган акушер-гинекологларни оилавий поликлиника ва қишлоқ врачлик пунктлари худудларидаги аҳолига кўрсатаётган амалий-услубий ёрдам тизими такомиллаштирилсин.

4. Соғлиқни сақлаш вазирлигининг ИваМБТБ бошқармаси бошлиғи Б.А.Ҳошимов ва БХваХ бўлими бошлиғи Х.С.Файзуллаевларга:

- Вазирлик тизимидаги тиббиёт олий ўқув юртлари, Республика ихтисослаштирилган илмий-амалий тиббиёт марказлари профессор-ўқитувчилари ва мутахассисларнинг ҳудудларга хизмат сафарига чиқиши билан боғлиқ бўлган сарф-харажатларининг молиявий манбалари қонунчиликда белгиланган тартибда ҳал қилинсин.

5. Мазкур буйруқ ижроси назоратини ўз зиммамда қолдираман.

Вазир А.В. Алимов


Ҳужжат тури:  Буйруқ
Ҳужжат рақами:  № 1
Қабул қилиниш санаси:  05.01.2013
Ҳужжат:  Download
Кўчириб олиш pdf |