Вазирлик ҳақида Ҳужжатлар Муассасалар Янгиликлар Тадбирлар Лойиҳалар АКТ Оnline хизматлар

Алкоголга тобеликни (сурункали алкоголизм) даволаш баённомалари Бош сахифа

22 ноября 2014

Алкоголга тобеликни (сурункали алкоголизм) даволаш баённомалари

Алкоголга тобеликни (сурункали алкоголизм) даволаш баённомалари
Касалликлар Халқаро таснифи бўйича коди (КХТ -10) – F10.2.







Тошкент – 2014

АЛКОГОЛГА ТОБЕЛИКНИ (СУРУНКАЛИ АЛКОГОЛИЗМ) ДАВОЛАШ БАЁННОМАЛАРИ

1. Таърифи:

Алкоголга тобелик - сурункали, ривожланиб борувчи касаллик (сурункали алкоголизм) бўлиб, алкогол маҳсулотларига патологик мойиллик, сурункали заҳарланиш натижасида психосоматик (руҳий ва жисмоний) ва ижтимоий асоратлар ривожланиши билан ифодаланади.

2. Беморларни танлаб олиш:

Баённома дастурига асосан беморларга ташҳис қўйилган вақтдан бошлаб кечиктириб бўлмайдиган ёрдам кўрсатилади. Психопатологик преморбид ва қўшимча соматик касалликлар аниқланган беморларга алоҳида эътибор бериш керак.

3. Алкоголга тобелик (сурункали алкоголизм) таснифи:

Кечими бўйича:

- юқори жадаллик билан ривожланувчи тури;

- ўрта жадаллик билан ривожланувчи тури;

- суст ривожланувчи тури.

Клиник кўринишининг оғирлик даражаси бўйича (касаллик босқичлари):

I – биринчи (бошланғич) босқич;

I-II – иккинчи босқичга ўтиш;

II – иккинчи (ўрта) босқич;

II-III – учинчи босқичга ўтиш;

III – учинчи (охирги) босқич.

Алкогол суиистеъмоли бўйича:

- «сохта» сурункали ичиш;

- алкоголга юқори чидамлилик билан кечувчи доимий суиистеъмол;

- «аралаш» ичкиликбозлик;

- «чин» сурункали ичиш;

- паст даражадаги алкоголга чидамлилик билан кечадиган доимий истеъмол этиш.

Алкоголизмнинг ижтимоий оқибатлари:

- енгил;

- ўрта оғир;

- оғир.

Алкоголизмнинг соматоневрологик оқибатлари.

Ремиссия, рецидив.

4. Ташҳислаш мезонлари:

Касалликнинг анамнез маълумотлари (субъектив ва объектив анамнез) ва клиник кўринишини таҳлил қилиш.

5. Дифференциал диагностика:

Бошқа психоактив моддалар суиистеъмолида учрайдиган руҳий ва хулқ-атвор ўзгаришлари билан таққослаш керак.

6. Госпитализация (стационарга ётқизиш):

Алкоголга тобеликнинг II ва III босқичлари, оғир сурункали ичиш, алкогол абстиненция синдроми, ичкиликга енгиб бўлмас мойиллик, стационар шароитида даволанишга хоҳиш бўлган ҳолатларда беморлар наркологик стационарга ётқизилиши керак.

Алкоголга тобелик I ва I-II босқичидаги беморлар кундузги стационар ёки амбулатория шароитида даволанадилар.


Ҳужжат тури:  Протокол
Ҳужжат:  Download
Кўчириб олиш pdf |